හුඟදෙනෙකුට විදුලි රියක් පාවිච්චියේදී හෝ ආයෝජනය කිරීමේදී වුවත් හිතෙන දෙයක් බැටරිමිල. මේක අනවශ්ය බයක්විදියටයි අපි දකින්නේ. නමුත් එහෙම හිතන්න හේතු නැතුවම නෙමෙයි, ඇතැම් විදුලි රථ බැටරි බලාපොරොත්තු වුවාට වඩා වේගයෙන් ක්ෂයවීම නිසා.
දැනට ඇති විසඳුම පාවිච්චිකළ බැටරි සවිකිරීම. මෙය ඉතා සාර්ථකයි, නමුත් පවතින නීති රීති රාමුව තුල යම් අපහසුවක් තියනවා, එමනිසා මිල පවා වැඩිවෙලා. නමුත් ජපාන වෙන්දේසිවල පවතින මිලගණනුත් මෙයට බලපානවා. අපි අඩුවෙන් ඉල්ලුවට ඇමරිකාව, නවසීලන්තය, එංගලන්තය, රුසියාව වගේ රටවල අය ඒවා වැඩි මිලට ඉල්ලනවා, වටිනාකම දන්න නිසා.
බැටරි අලුත්වැඩියාව සාර්ථක ක්රමයක් නෙමෙයි, බොහෝ අය වංචාකාරයන්ට මුලාවෙලත් තියනවා. නමුත් වැදගත්ම දේ තියන බැටරි ආරක්ෂාකරගැනීමයි, බොහෝ දෙනෙක් නොකරන්නේත් ඒකමයි.

අනෙත් රටවල් වලට වඩා වේගෙන් අපේ ලීෆ් බැටරි ක්ෂය වුණා කියන එක තමයි ඇතැම් අයගේ මතය. බොහෝ දෙනෙක් විශ්වාස කරන්නේ එයට හේතුව අපේ උෂ්ණත්වය බවයි. ගෝලීය දත්ත පරීක්ෂාවේදී මෙහි සත්යතාවය ප්රශ්නකාරියි. බැටරි ක්ෂයවීමම නෙමෙයි, එයට හේතුවුනේ මොකක්ද කියන එක.
ලංකාවේ සාමාන්ය උෂ්ණත්වය ලිතියම් බැටරිවලට සුදුසුම තත්වයන් නෙමෙයි. නමුත් මධ්ය උෂ්ණත්වය අතිශයින් වැඩි ඇරිසෝනා, ඕස්ට්රේලියා ආදී ප්රදෙස මෙන්ම අප හා සමාන තායිලන්තය වැනි රටවලත් ලීෆ් බැටරි හොඳින් පාවිච්චි වෙනවා.
විශාලම හේතුවක් වුනේ නොවැලැක්වියහැකි පාරිසරික හේතුවලට වලට වඩා අපේ නොදන්නාකම සහ වැරදි පුරුදු නිසා! බොහෝ අය විදුලි රථ පාවිච්චි කලේ ජංගම දුරකථන චාජ් කරන විදියට. අවම වශයෙන් නිෂ්පාදකයාගේ අත්පොත වත් බලන්න උනන්දුවුනේ නෑ. වේග ආරෝපණ නරකයි කියල හිතන, long life battery setting ගැන නොදන්නා අය තවමත් ඉන්නවා.
ලීෆ් වලින් ගන්න පුළුවන් සේවයට ප්රයෝජනයට වැඩිය බලාපොරොත්තු වීමත් ලොකු වැරද්දක් වුනා. ඒත් අමතක කරන්න එපා වයස වසර අටක් වුනත් බැටරි බාර් අටක් ඉතුරුව කිලෝමීටර් සීය පන්නපු ලීෆුත් ඒවගේම 200,000 සීමාවේ තියන ඒවත් තියනබව.
මෙහිදී අප විශේෂයෙන් සැලකිය යුතු තවත් දෙයක් තියනවා. මුල් වසර කිහිපය (2010 සිට 2013 දකවා) ලීෆ් මෙන්ම වෙනත් විදුලි රථ බැටරි තාක්ෂණයේ මුලම වසරවල්. තාක්ෂනය දියුණුවුණේ භාවිතයේදී ලැබුණු අත්දැකීමුත් එක්ක, අපි ඇත්තටම Guinea Pig, (පරීක්ෂණාගාර මීයෝ) වුනා.
නමුත් 2013 සැප්තැම්බර් සිට ලිසාඩ් බැටරිය හදුන්වාදීමත් සමග තත්වය වෙනස්වුනා. ලීෆ් බැටරියේ පරිනාමය වේගවත්, 2022 වෙනතුරුත් නිසාන් ලීෆ් බැටරිය නිර්මාණය වෙන්නේ Active Cooling System එකක් නැතිව. බැටරි පරිනාමය ගැන ඇති ලිපිය කියවන්න.
බාර් තුනක්, කිලෝමීටර් 60ක හරි රේන්ජ් එකක් තියන කාරෙකකින් වුනත් ගතහැකි ප්රයෝජනය ඉතා ඉහළයි අපේ වගේ රටක සාමාන්ය අවශ්යතා මත.
බැටරියේ හොඳ සව්ක්යය වෙනුවෙන්
- SOC එක පුළුවන්තරම් බාගෙට අඩුවෙන් තියාගන්න.
- 80% වලින් ආරෝපණය නවතින්න සෙට් කරන්න, දුරගමනක් තියෙද්දි විතරක් 100% යන්න.
- කොයිමවෙලාවකවත් චාජ් කරල තියල තියන්න එපා, ගමන පිටත්වෙන්න පෙර චාජ් කරන්න.
- හැකිතරම් බැටරිය සිසිල් වූ විට ආරෝපණය කරන්න. රාත්රිය ඉතා හොඳයි.
- දවසේ අවශ්ය ප්රමාණයට විතරක් ගෙදරින් චාජ් කරගන්න, දවස ඉවරවෙද්දි 30% වෙන විදියට.
- ඩීප් ඩිස්චාජ් එපා, පුළුවන්තරම් 30% වෙනකොට ෆාස්ට් චාජ් එකක්වත් ගහගන්න, ඉතුරු දුර ටිකට.
- ෆාස්ට් චාජ් දවසට එකක් කරාට ගැටළුවක් නැහැ, ඒක නොකර කොහොම හරි ගෙදර යන්න හිතාගෙන ගියොත් වෙනහානිය වඩාත් වැඩිවෙයි.
- SOC 30% ~ 50% අතර තියල තියන එක තමයි හොඳම.
- කෙටි චාජ් වාර හොඳ වගේම සතියකට වරක් විතර ගෙදර සම්පුර්ණ චාජ් එකක් දෙන්න, සෙල් බැලන්ස් වෙන්න. මෙය අවම වශයෙන් මසකට වරක්වත් කලයුතුයි.
- අව්වෙ නවත්තන්න එපා.
- උෂ්ණත්වය බාර් හයකට අඩුවෙන් තියාගන්න ධාවනයේදීත්, අඩුවුණ තරමට හොඳයි. පුළුවන් තරම් රෑටම චාජ් කරන්න. වැඩි වෙනවනම් හේතුව පරීක්ෂාකරගන්න.
- ධාවනය කාර්යක්ෂම වුන තරමට බැටරිය පරිස්සම්වෙයි. kW එකකින් හැකි උපරිම දුර යන්න උත්සහකරන්න. ක්රමානුකූල ත්වරණය අත්යවශ්යයි.
- ඔබේ කාර්යක්ෂමතා මීටරයේ පෙන්වන දත්ත ගැන සැලකිලිමත් වෙන්න.
- මාස හයකට සැරයක් කරන සර්විස් එකේදී බැටරි ස්කෑන් එකත් කරන්න. සෙල් බැලන්ස් තත්වය සහ ක්ෂයවීම් පරිමාණය දැනගැනීම අතිශයින් වැදගත්.
- බැටරියේ සව්ක්යය අඩුවනවානම් ව්යායාම කරවන්න. සම්පූර්ණ දුර දුවලා ෆාස්ට් චාජ් එකක් දෙන්න. ඉන්පසු යේ නිවසේ සම්පුර්ණ චාජ් කරලා දුවන්න. මේ වගේ ළඟ ළඟ කිහිප වරක් කරන්න.
- සෙල් මාරුකිරීම් මොඩියුල් මාරු කිරීම්, BMS/LBC රිසෙටින් බොහෝවිට ඔබේ මුදල් නාස්තිකරන වැඩ වෙයි. මේ පිළිබඳව කිවහැක්කේ පැරණි සහ යාවත්කාලීන ස්කෑන් වාර්තා මත පමණයි. ඔබ වැටී ඇති තත්වයෙන් අයුතු ප්රයෝජන ගන්න හදන අය ඉන්නවා.
- බැටරියේ රිසර්ව් කැපසිටි එක භාවිතයට විවෘතකිරීම කොහෙත්ම නොකලයුතුයි.
ගෝල්ඩන් රූල් එක, බැටරිය වසර පහකට වඩා පැරණි නම් ඔබට දයිනිකව භාවිත කළහැකි කැපසිටි එකෙන් භාගයයි. හිතේ තියාගන්න 80:30 රූල් එක.

මේකත් කියවන්න : https://mobility.lk/2019/10/03/mandatory-battery-tip/
මේ උපදෙස් ඔබේ ධාවන අවශ්යතාවන්ට ගැලපෙන්නේ නැත්නම් කියවන්න;
වෙබ් සහ FB පිටු සබ්ස්ක්රයිබ් / ලයික් කරන්න අමතක කරන්න එපා. ඔබව අපි යාවත්කාලීන කරනවා, තාක්ෂනය සහ දැනුම හැමදාම අලුත්වෙන නිසා.
To write of the battery refurbishment program
I wont buy a battery
Most important details